السلام علیکم ورحمۃ اللہ وبرکاتہ 

عزیز قارئین 

معاف کرنا ایک ایسی صفت ہے کہ جس کے بارے میں اللہ تعالیٰ قرآن کریم میں ارشاد فرماتے ہیں۔

اَلَّـذِيْنَ يُنْفِقُوْنَ فِى السَّرَّآءِ وَالضَّرَّآءِ وَالْكَاظِمِيْنَ الْغَيْظَ وَالْعَافِيْنَ عَنِ النَّاسِ ۗ وَاللّـٰهُ يُحِبُّ الْمُحْسِنِيْنَ (134)
جو خوشی اور تکلیف میں خرچ کرتے ہیں اور غصہ ضبط کرنے والے ہیں اور لوگوں کو معاف کرنے والے ہیں، اور اللہ نیکی کرنے والوں کو دوست رکھتا ہے۔

 

اللہ تعالیٰ معاف کرنے والوں کو پسند فرماتا ہے ، اگر آپ اللہ کے محبوب بننا چاہتے ہیں تو معاف کرنا شروع کردیں اور اپنے بچوں کو بھی سکھائیں۔

رسول اللہ ﷺ کا ارشاد ہے 

عَنْ اَبِیْ ھُرَیْرَۃَ ؓ عَنِ النَّبِیِّ صَلَّی اللّٰہُ عَلَیْہِ وَسَلَّمَ مَا نَقَصَتْ صَدَقَۃٌ مِنْ مَالٍ وَمَا زَادَ اللّٰہُ عَبْدًا بِعَفْوٍ اِلَّا عِزًّا۔

(مسلم باب استحباب العفو )

حضرت ابو ہریرہؓ بیان کرتے ہیں کہ آنحضرت ﷺنے فرمایا کہ صدقہ سے مال میں کمی نہیں ہوتی اور جو شخص دوسرے کے قصور معاف کر دیتا ہے اللہ تعالیٰ اسے اور عزت دیتا ہے اور کسی کے قصور معاف کردینے سے کوئی بے عزتی نہیں ہوتی۔

اللہ تعالیٰ ہمیں عمل کی توفیق عطاء فرمائے آمین